Досжанов Бауыржан Таттибекұлы
Темірбек Жүргенов атындағы Қазақ ұлттық өнер академиясы,
«Сәндік өнер» кафедрасының аға оқытушысы,
философия докторы PhD, Мәдениет саласының үздігі.
Дәстүрлі көшпелі мәдениеттің сюжеттері мен бейнелерінің алуан түрлілігі қазіргі заманғы қазақ гобелен өнерінде өз көрінісін тапты. Дегенмен, ең толғандыратын, қасиетті мәнге ие бейнелердің бірі – шабандоз бен ат тақырыбы болып қала береді. Бұл тандем қазіргі қазақ суретшілері үшін ұлттық мәдениет пен дәстүрдің символы, таныстырушы белгісіне айналып, қазақтардың дәстүрлі атты-көшпелі өркениетінің тұрақты архетиптер жиынтығынан Қазақстанның кәсіби бейнелеу өнерінің архетиптеріне біртіндеп ауысып келеді.